一早起身首先飲個早茶先,仲要係好有風味咁踎街邊。
![](../images/xtfkKx4gguhGlWlpdhMqJw.jpg)
![](../images/KQTT7Boy9cB.lEhnM8PuVw.jpg)
睇下個眼袋幾大就知幾早啦﹗
![](../images/ray.3fTQ988H3Tjb0I1qHA.jpg)
個位隔離就係巴士站喇,好彩呢隻巴士好少開出啫,否則食廢氣。
![](../images/YJ9_An7mOz7QOCdq8DRcYw.jpg)
跟住本來想泊架車響大帽山,然後行去深井拜山既,點知一早已經俾人泊晒d位,d人真係好鬼早呀﹗
迫住唯有落去荃灣泊低架車,再去荃景花園起步啦﹗
今日主要係行元荃古道,古時d人就係行呢條路由元朗擔d野出荃灣賣架喇﹗
![](../images/izV_vM2LvBqYCptyaISR4g.jpg)
上到蓮花山一帶就會見到荃灣景喇﹗
![](../images/KuMLIDsbyS_Xqd0xHAd9UQ.jpg)
![](../images/BxbdrAHQn0rDOg67G9ZtKA.jpg)
![](../images/HVg1MgGhIc1ZdmRsSlJSRA.jpg)
仲有青馬橋景添﹗可惜天氣麻麻﹗
![](../images/Og1aAjXRDP4WC6Up9h.f.A.jpg)
途中見到火龍果,原來係咁樣生架,真係第一次見呀﹗
![](../images/3l_4KIlayII448JesAqGXQ.jpg)
仲有好多小黃菊,好可愛架﹗
![](../images/RrUBKKb_To9BvNVvuzBk9g.jpg)
仲有扮日本白川鄉既鐵皮屋﹗
![](../images/B6Gwfs60WdurAPIpOPOxWw.jpg)
仲有大疏蕉﹗
![](../images/Yn0xLNA7b6n_AUit6k5rDQ.jpg)
仲有好少見呢隻色既蘭花﹗
![](../images/mwXpRHCYs_fHtr1S5iycXw.jpg)
仲有好清涼既小河﹗
![](../images/DisiDQ4DY53FLpW_tke51A.jpg)
行左兩個鐘左右(鬼咩,一路行一路影,梗慢啦﹗),終於去到墓地,可惜剛剛好錯過左燒炮仗,得番堆「紅葉」,嗚﹏﹏
![](../images/Le3bxvERYk6q8bVzC_.Bpw.jpg)
好彩仲有好多野食﹗
![](../images/avPMHW9Oq.1MTTVmdNlhHQ.jpg)
大家好落力咁燒呀燒.......
![](../images/5fSaruDVKEMjPFcUF68rcg.jpg)
結果燒左好耐至燒完呢d野﹗
![](../images/O3ZYNFId4TJQoG..ibmM2g.jpg)
落山時經過呢個木屋區,又幾得意喎﹗香港地木屋區買少見少喇﹗
![](../images/OH.k5SG4mL4UWcz92rzFTg.jpg)
然後,我地下一站當然係去食番個free lunch啦,再加多個深井X記糖水,就去左石硤尾睇野喇﹗睇咩.......呢?下篇再講﹗
沒有留言:
張貼留言