你個髮型

以上呢個髮型，引起好多話題，以下係其中兩則：

事例一：

學生A：「Miss，你個頭好爆喎﹗」

我：「係呀，你又電啦，一齊爆啦﹗」

學生Ａ：「嘩﹗電到咁，唔認得架喎﹗」

學生Ｂ：「係啦，後面睇，以為係新黎個Ｄ靚女添﹗（意即新Miss)」

我：「死野﹗」

學生Ｂ：「點知拎番轉頭......」

學生Ａ：「嘩﹗哈哈哈哈.....走呀﹗」

我：「你班正死野﹗」

事例二：

校工叔叔：「Miss，轉左髮型喎﹗」

我（心諗）：「都十月中啦，過左成個半月，宜家至講。」（口講）：「係呀係呀。」

校工叔叔：「你......以前個髮型......都幾好吖﹗」

我：「咁即係呢個唔好睇啦﹗」

校工叔叔：「um......以前個髮型......啱你d......幾好睇吖﹗」

我：「遲d電番直架喇﹗」

校工叔叔：「話又講番轉頭，個樣靚就咩髮型都靚既﹗」

我：「咁我真係要搵個好d 既髮型喇﹗」