激你唔死俾面你

有時，學生上堂時既表現係會激到你半死架：

學生A攞住一隻烚好既蛋，問：「Ｍiss，切蛋呀？」

「係。頭先做過示範你睇啦。」

「咁，洗唔洗剝殼呀？」「」

學生Ｂ問：「Ｍiss，tsp即係咩呀？」

「我頭先話左你地聽啦，黑板好大隻字寫左lu喎﹗」

「係喎，咁tbsp又係咩呀？」

「tsp下面都好大隻字既就寫左tbsp喇﹗」

「噫，係喎﹗」

Miss張個食譜既材料由頭到尾鉅細無遺咁同學生run左一次，叫學生去攞材料。

學生C問：「Miss，豬肉要幾多呀？」

學生D問：「Miss，蔥洗唔洗攞呀？」

學生E問：「Miss，蛋攞三隻呀？（明明寫住一隻）」

剛做完示範，逐句食譜讀左一次。

學生F問：「Miss，落完豬肉落咩呀？」

學生G問：「洗唔洗落蔥呀？」

學生H問：「Miss，仲有無蛋呀？我一早落左鑊，宜家無得用喇﹗」

「咁你點知做錯呀？」

「隔離組都唔係咁做﹗」

「」

睇緊呢邊想放火，果邊突然有人尖叫，再加爆水喉聲。用一千零一秒既速度望過去，嘩，爆水喉喎，死喇﹗望多一秒，原來係個學生兩下就開盡左個水喉，關唔切，場面同爆水喉一樣﹗

「Miss，個熱水爐水喉壞架，開唔到架﹗」

「你去開一次俾我睇。」

「同學，你係咁扭實佢，又點開到呀﹗扭另外一邊得唔得？﹗」

「係喎﹗」

下刪一千個例子。

算俾面喇喂，唔俾面既就會用更高層次既方法激死你﹗