蛇竇: 2008

2008年12月21日星期日

你仲有咩怨呀？

主賜給他的比他欠缺的多，最重要的是他沒有把主的一番心意埋沒了﹗
跟他或世界上其他很多地方的人相比，你很慘嗎？你很貧窮嗎？你的境況很困苦嗎？你擁有的不足夠嗎？還是你並不知道什麼叫足夠呢？主的恩賜，你有善用嗎？......
看過他，看過世界上很多其他地區的人，方才知道主對你的厚愛嗎？那麼，還有什麼要怨呢？
Nick有的是positive thinking，大家好好學習吧﹗

聖誕快樂

幾年前做左呢樣野，年年都唔記得搵番出黎，今年路人甲竟然拎左出黎。

咩野黎？

聖誕樹囉﹗路人甲好欣賞呢棵聖誕樹架﹗佢話要賣都會有人買架﹗呢棵野好易做，我當年一陣就做好左喇﹗睇下幾時窮到無飯開就開個檔賣野啦﹗

（呢個view可能曾經係大家小時候買聖誕卡最嫌棄，覺得最老土既，我曾經都係咁樣覺得，但宜家就勁想有個咁既view過聖誕，世事真係無絕對呀﹗）

祝大家聖誕快樂﹗

2008年12月20日星期六

明天出發上京

明天放工後就立即上深圳飛北京喇﹗

這已是第三次上京了，第一次是廿年前，六四前一個暑假，跟幾個不相熟的朋友一起去；第二次是十二年前，當年參加了一個歷史課程，其中一部分是到北京、上海、南京考察；這次跟從未踏足京城的路人甲一起去，有點擔心，只因他的普通話連一至十都未數得出，我的普通話又真的很普通，而且我是聾的（我經常聽不清楚別人說什麼，連廣東話也如是）。就當自已到日本旅遊吧﹗

繼０３年到英國及０４年到北海道過了兩個白色聖誕之後，今次又可以在雪地過一個白色聖誕了﹗北京雖然很少下雪，但我們會到郊區的人造室外滑雪場滑雪。上次在北海道沒請教練，在自學的情況下，只學得馬馬虎虎，所以今次一定要請個教練，學懂為止﹗

love actually真的戀愛了

又到聖誕，年年電視唔係播「home alone」就係播「love actually」，已經睇過DVD再睇左幾年電視，今年都照樣睇多次，點解？我都唔知，可能係個幾段愛情、親情、友情拍得戲劇化得黎又好真摯啦﹗

每段情都各有吸引力，無話邊段特別吸引，只係最尾機場個段，係真實版個段就非常咁令我喜歡喇﹗

想當年響機場做野，最鐘意響arrival hall做野，見到d人黎接機，好鬼開心，當時個舊機場又細，零舍warm 呀﹗其次就係響departure hall做野喇﹗見到d人高高興興咁準備去旅行或者踏上歸途，好有趣既感覺﹗

或者當年唔應該辭識，因為遠遊或者同旅遊有關既野原來先係最吸引我﹗

2008年12月19日星期五

真係好難扮架﹗

尋日去左學生其中一個X'mas party，玩遊戲個陣，當大哥哥解釋緊點玩時，有個闊面肥仔大叫：「嘩﹗你話我聽我做？等陣你要我扮烏龜我咪死？﹗」大哥哥無理佢，大家好開心咁扮下估下......無幾耐，抽中呢個闊面肥仔出去扮，結果，佢聽完之後又大叫：「唔得喎﹗點扮呀？完全違反我既個人意願呀﹗」然後企左一陣，結果都係諗唔到點扮。另一隊既男仔好快咁企響度表示呢樣野就係自己，大家好快就估到喇﹗

究竟佢要扮咩呢？

咪係靚仔囉﹗你話對於佢黎講，幾難扮架﹗

又收禮物？

早兩日去買旅行既野，路人甲拉左我入去百老𣾀，問都唔問就同個sales講：「我要呢部啦﹗」，嘩﹗好有型咁，跟住個sales話恆生卡有１８個月免息分期，路人甲無呢張卡，不過我有，結果我碌啦﹗

路人甲：「呢份係你既聖誕禮物﹗」

我：

路人甲：「我會俾番錢你既......遲d。」

我：「多......謝......」

都好開心既，起碼佢記得我部響網度bid番黎，價值＄８００，用左好幾年既Olympus5050

已經開始有d壞，我又講過：「我d技術又唔係勁，買部勁機就真係攞黎扮勁咋喎，買部入門級又無謂，都係用番Olympus呢種半專業玩下算啦﹗分分鐘影得好過個d唔識影又攞住部單反機既友仔啦﹗

」而上次個朋友show左部同新買呢部一樣既，但唔同廠出既相機俾我睇，嘩﹗幾好喎﹗不過......咁貴﹗

究竟買左咩呢？就係佢喇﹗

＄３８８０，見到啦，淨係個Ｌeica鏡都值番啦，仲有16:9，拍片仲係高清添﹗路人甲當晚一買到就不斷話「真係抵呀﹗」，不下十次﹗其實另一部Leica廠出既，同呢部裡裡外外完全一模一樣，只差個廠名，但貴好多（上次朋友show俾我睇個部囉），呢部其實真係抵呀﹗

2008年12月16日星期二

I'm Silly Pang

外國人老師教班中四會話，見其中一個響度發呆，就問下佢啦

老師：「Hey! What are you doing?」

學生：「I'm Silly Pang.」

老師以為學生唔明自己問咩，再問多一次：「What are you doing?」

學生好唔耐煩：「Silly Pang.」

老師覺得好奇怪，點解個學生明明唔係叫Silly，但咁搞野叫自己做Silly。呢個時候，有個翻譯出現喇。

翻譯：「Miss, she is sleeping ah.」

老師呢個時候先知道原來係自己d listening唔好，死未？﹗

2008年12月12日星期五

chocolate brownies

早兩日同d學生一齊做左好多chocolate brownies，超好味﹗不過，d學生打漿既時間太長，做得比較濕，當然啦，我做既係最正啦﹗

路人甲食到停唔到口﹗

2008年12月11日星期四

個腦袋應該係咁

有日教中一學生仔車明袋(即係車響裇衫心口個d)，我示範完喇(一對一咁示範)，個學生好似好明咁就自己走左去車喇，咁我就繼續好忙咁睇下第二d學生搞成點啦。

好耐之後，當我教緊另一個教極都唔明既學生時，頭先個學生拎住個袋黎問我：「miss，點解咁既？」

我睇一睇個袋，即刻暈左響度，好耐至出到聲：「同學，呢個係咩黎架？」

學生：「袋囉﹗」

我：「咁你將塊袋布四條邊都車埋，邊度搵個袋口黎袋d野落去呀？」

學生：「係喎。咁點呀？」

就死既我：「拆番袋口d線囉﹗」

學生好似晃然大悟咁：「呀，係喎﹗」

都好，佢仲知自己車到個袋唔似平時見到既袋，然後黎問我點解咁既樣。之但係，佢個腦袋其實唔知係唔係好似佢車個袋咁既呢？﹗

2008年12月8日星期一

http://hk.mc322.mail.yahoo.com/mc/showMessage?fid=Inbox&sort=date&order=down&startMid=0&.rand=655031906&da=0&midIndex=9&prevMid=1_2178_AIbPjkQAAP9eSTmK%2Bw3w%2BRWmd3U&nextMid=1_4170_AIfPjkQAAL7mSS%2FrdQstYWCSuEY&m=1_364921_AIbPjkQAAVl5ST3rHAA%2BbQeP0eA,1_361272_AIfPjkQAAHiVST3NKwNbeTGT0yI,1_358496_AIrPjkQAAUPmSTzfkgZJvhA7EfQ,1_355356_AIrPjkQAAEp%2FSTuxiwr1RStBu68,1_2178_AIbPjkQAAP9eSTmK%2Bw3w%2BRWmd3U,1_3577_AITPjkQAAKTxSTlbiwots0kzYMQ,1_4170_AIfPjkQAAL7mSS%2FrdQstYWCSuEY,1_4903_AIbPjkQAAJrcSSl24QadTieXJVI,1_5459_AIfPjkQAAO2ySSZ9jABy8Es4iNU,1_6083_AIbPjkQAAXSYSSUYKg4ovk5NA2A,1_6637_AITPjkQAAMX1SSE2Iwu%2FGzkZRGk,&mid=1_3577_AITPjkQAAKTxSTlbiwots0kzYMQ&fn=____.wmv&pid=2&vs=1&ypa=1