後生仔等如搞笑

不知不覺竟然寫到第一百篇，真係要俾d掌聲自己，亦都特別鳴謝我個blog既特別嘉賓--後生仔，如果無左佢，呢度一定暗淡好多，無晒笑聲、鬧爆聲同我d啤啤聲。

其實，自從鬧爆左佢，同埋自己唔再有眼睇(得咁清楚)之後，H已經做野上心好多，我都已經無咁激氣，但係，前一排，H考到英文基準(佢都好上進架，不過真係唔識分配時間同安排工作囉)，走去同英文阿頭講話想轉教英文。人地就無當面拒絕佢，不過收到風(唔只我個D，仲有其他組放出黎個D)，知佢非常之令人激心，所以都唔會考慮佢。到最近安排下年課擔，數學阿頭當然問下H來年想教D咩啦，H竟然叫人唔洗安排佢教數學，自己話自己會過去教英文喎﹗兩個阿頭聽到消息之後，拿拿聲互相澄清啦﹗宜家個結果係大家都想唔要佢，叫佢一條友教晒DT。嘩﹗有JETSO呀﹗H應該開心都黎唔切啦﹗