今日好多事

今日放學時，我留左四個學生溫書，聽日考數學同地理。d學生落到黎，見到教佢地數學嘅後生仔，就問佢攞練習做，後生仔就攞左一份俾佢地，教左佢地兩分鐘，就返入教員室。我又跟住佢入去，諗住飲啖水啦，佢就話我知，佢去DT室，如果學生想問佢攞番個電話，就去DT室搵佢。

我：「不如你同埋佢地四個去DT室啦，佢地唔識可以問你嘛。」

H：「我驚佢地周圍走喎。」

我：「周圍走？DT室裡面喎？你響度架喎？﹗」

H：「我驚我教緊數時睇無到佢地咁多喎﹗」

我：「.....(心有D疑惑：H好似淨係教呢班咋喎....)如果佢地唔識，我唔係好識教佢地架。」

H：「我俾左份答案佢地喇。」

後來，我出去睇班學生溫習，點知佢地已經張份練習做完，咁當然係抄啦。我話佢地唔應該抄，佢地話唔識，阿SIR又走左，都無人問，咪抄囉﹗咁我唯有教佢地啦，真係識幾多教幾多架咋﹗

後來，我中途要見家長，D學生猛話溫好地理想早D走，我話我會上黎放佢地走，真係溫嘅，就可以12點走。結果，當我響12:20上黎諗住放D學生走時，我發現學生已全部俾H放走晒。H話D學生實牙實齒話我俾佢地12點走。點解連老師都咁單純，學生話咩佢都信呢？點解自己班嘅學生唔識做數，佢竟然唔肯教佢地，而走去教第二D學生呢？我真係好慶，下晝時，我張件事話番俾佢聽，佢竟然話D學生好抄數，要鬧佢地﹗哈﹗.......

後來，校長又因為一件事，無理地責怪中文阿頭，令佢情緒十分激動咁離開左學校，大家都好擔心佢會唔會有事，結果原來中文阿頭返左屋企。我同幾個同事就諗住去安慰佢啦。我拾好野後，就一條氣走去校長室藉詞請假早D走去探果位同事，實情就鬧左佢一餐。有D同事話我唔應該去鬧佢，我就覺得我鬧得佢起，有咩後果我都受得起，亦唔會令件事繁雜化，唔會令中文阿頭唔舒服，係D同事諗得繁雜左啫﹗我真係覺得我應該做，咪去做囉﹗小食部同午餐盒嘅事其實已經令我覺得校長好無公義，宜家仲要咁樣對D同事，實在要爆喇﹗

 

又去玩

星期日那天，雖然天氣不太好，但並沒有下雨，所以我到了鹿頸走了一轉。

有山有水；

有荒廢樹屋；

有無人住的舊村莊；

有古色古香的村屋；

有大片大片的蘆葦；

有大塊大塊的紅石；

有滿山不同種類的蝴蝶，這是「王」字蝴蝶(自己改的)；

有萬綠叢中一點紅；

有寬廣的湖景；

有簡單的碼頭；

有充滿形格的枯樹；

有滿地牛糞；

還有mini cooper；

開開心心又一天﹗

雲南之旅之出發前

自由行就一定要自己plan至好玩啦，但係當太遲plan，又或者對d資料唔熟時，就會遇到一d唔高興既時候喇﹗

好似今次啦，張機票又無端端買貴左成700蚊，肉都赤呀﹗以後d野都係自己覺得咁做比較好，就要自己出手，阿媽話求人不如求己呀，再次再次再次再次深深咁體會到啦﹗

最離譜係宜家d人d態度，我自問都好有禮貌咁問個agent，佢係唔係出左d咩誤會，張機票會咁貴，佢竟然問番我話：「千幾蚊仲貴呀？想幾平呀？」我仍然EQ好高咁同佢講，佢再答我：「咁你宜家想點呀？」(態度之差......我想唔俾錢呀)不過，我EQ高，相信打完呢篇就已經唔會唔高興啦。好簡單，以後唔幫襯你囉，周街都係機票﹗

希望今次玩得開心啦，響銀根短絀時大拿拿用幾千蚊去旅行，真係用多一蚊都唔想，但又想玩得開心，值回票價，用左要值得嘛﹗

雲南之旅

哈﹗又可以去旅行了，可惜只有八天假期。今次去雲南麗江香格里拉，又是自由行，而且在網上找了一些人同行，分擔包車的費用，希望可以找到一些好玩的伙伴吧﹗

上一次到大陸的長途旅行，要倒數到中學畢業那年了。記得那時在一個聯校的活動中認識了一班人，其中一個計劃在暑假時到北京及杭州旅行，問我有沒有興趣。於是，我便與他和其他三個他的小學同學一起去了。說實在，真的是跟四個不相識的人去的啊﹗雖然看似很冒險，但又很好玩啊﹗我還記得坐了三十多小時火車才到達北京、我還記得到達賓館後立即跑去洗澡，誰不知水是冰凍的井水，結果一到步便發熱了、我還記得在杭州吃一元一碗麵，有菜又有肉、我還記得在西湖蕩起槳來，在湖畔踏著單車的情景，那時的西湖給人閑靜舒適的感覺，跟現在似到了旺角的西湖比較，實有天壤之別、我還記得那時外婆還在，偷偷借一千元給我作旅費﹗﹗

從前不明白「讀萬卷書不如行萬里路」的意思，但去過這次旅行後，我實在領略到「見識」真的不限於書本，親身的經歷和體驗才會有真正的領會﹗

下星期便會再次踏足神州大地，上另一次的人生課程了，希望這次除了美景和美食外，還有意外的收穫吧﹗

新梳化

十年前搬屋的時候，已經很想買一張L形的梳化，但可惜當時的購買者卻買了一張「綠禽禽」的普通梳化，真的氣壞﹗

今年，我見梳化已經可以拿十年老人金牌，所以就讓它退下來，成為Hi-Fi房的梳化吧﹗於是，尋找新梳化的工作就開始了。幸好，這陣子傢俱店都大減價，我們看中了一張奶白色的L形梳化，而且它還減至半價，原價是萬多元呢﹗(若購買打折貨品，就要多給二千元了。)雖然這價錢只限於陳列品，但這張陳列品卻仍很好，只是顏色上看來似乎是髒了一點，不過，後來我們發覺它真是這樣的，並不是髒﹗

很高興能夠擁有一張L梳化﹗根據我的生活哲理，「等」和「恨」(想擁有)是快樂的根源，有時，想要的東西，這邊廂說想要，那邊廂立即就可以擁有，你並不會比等過和恨過般快樂的﹗

結他班

自小已經好想學一樣樂器，好羨慕其他人可以隨手拿起一件樂器便可以彈奏出美妙的樂曲。記得讀大專時，周圍都有很多懂得彈鋼琴的同學，他們於午飯或空堂時都會在common room彈一下，於是，我找了一位同學，跟她學彈鋼琴學了一段時間，還買了一個很舊很舊的鋼琴呢﹗可惜，我發現天生不是彈琴的料子，而且沒有可能放很多時間去練習，結果都是放棄了。

到社會工作以後，我又遇到一位很好的同事，她肯在工餘的時候免費教我樂理。學了幾個月，我便認真地去考五級樂理，竟然給我考了個distinction。

後來，心血來潮，想學結他，舊同學亦買了一個結他給我當作生日禮物，可惜的是，在我仍未下定決心去找人教之前，我的結他不見了，為什麼？到現在仍然是個謎。

上兩個月，我見音樂事務處登了一則很短的廣告，於是我抱著即管登記，橫豎要抽籤的好事，通常都沒我的份兒的心態在網上登記了。竟然中籤﹗上星期五，借了朋友的鋼線結他，懷著興奮的心情，獨自跑到荃灣大會堂去上課。全班20人，有一半或以上的同學年紀比我大，導師是很有料的Jacky Lau，他教得很好。當他示範到「我的驕傲」的彈法，然後告訴我們這個彈法可以用來為幾十首歌伴奏的時候，我發現我正在很開心地笑。開心就是這樣簡單﹗

很期待自己能彈到一首半首好聽的歌曲呢﹗