與家人遊台灣(第二天)

19/8/2013
今日第一個節目係食早餐，點解呢？係因為民宿間咖啡館有個大海景，食早餐都玩一輪影相﹗

食飽飽，行上老街逛吓，九點幾已經有團黎，好恐怖﹗好難得有張無人既相。

行左一陣，阿姐夫跌左副太陽眼鏡，揾唔返，要去報警，我就同老豆老媽繼續行。

後來送左佢地返民宿，我再行多陣，原來呢間戲院可以入去架，又走入去行吓啦﹗

梁朝偉呀﹗

難得d團唔響度，影張先﹗其實呢度好多日本人黎架﹗

返到去等左陣，都幾舒服既民宿呀﹗

十一點半，起程去十分。

十二點，我地去到十分瀑布外，司機放低我地後，我地就行入去瀑布喇，途中又影吓橋，影吓火車，影吓火車軌咁。

阿姨甥仔有我一半咁癲喪喎﹗

終於行到入瀑布入口喇(TWD100入場)，其實個瀑布好人工，而且好細吓，睇幾分鐘就睇完，只係有個遊樂場，阿姨甥仔可以玩一陣，老豆老媽可以休息陣。

由十分瀑布開車去十分老街只要十分鐘。
一去到就見到有火車經過，好得意，條街啱啱夠架車過。

火車過左後，d人又走返晒出黎，條街咪就係咁短囉﹗

大家好努力咁寫呀寫﹗

再向前行就係十分火車站喇，但老人家攰喇，食左先算﹗

我地先揾食，揾到呢間厝仔樓，食物唔錯，但偏貴，佢有間房放左好多舊野。

間野都好骨子，仲有房住既，我上網都睇過，最後決定住九份﹗

佢仲有條爛橋響佢既餐廳範圍內，入去影相唔食野要收錢架﹗

呢個係我既餐

食完飯，一行去厝仔樓門口就已經有得放天燈，(TWD100單色，TWD150雙色)寫左成半粒鐘至放得，但兩秒鐘就放左上去喇﹗

原來係燒溪錢架﹗

四點半，到左礁溪冠翔世紀温泉會館，呢間本來係貴野，但我地訂既時候有promotion，平到笑﹗(五百幾蚊港幣包温泉住浸、自助早晚餐)
Check in 之後，立即去浸温泉，都幾大吓架，有裸湯，又有要著泳衣既温泉區，仲有滑梯，水力按摩，最可愛係有魚仔咬腳皮，原來好痕架﹗)

浸完就食自助晚餐，食物種類多，新鮮，最緊要係人唔多嘛﹗

食飽上房休息一陣又浸過，俾個樣板你睇吓喇﹗

今晚呢間係四人房，都唔錯架﹗