好唔爽﹗

畫呢幅魚畫得一D都唔容易呀，因為D紙既問題，呢張係第四張喇，之前果D一畫好條魚想上色，D顏色就化開晒，好喇，畫好交功課喇，之前老師話水草要有少少化開至似響水度，有D化D有D唔好咁化，咁今日又話咁樣唔好，然後魚背要加白點，人人都加啦，交畫呢日老師至講白點唔可以全點，要半點，已經唔係第一次講D唔講D架喇，仲堂堂都講第一二三張功課講鬼咁耐，之後交果D畫就講一兩句算數，我呢D住鬼咁遠既，永遠都唔會早得過班陀地架，唉﹗今日仲要兩班人響晒一個課室度係咁嘈，我根本唔係好聽到老師話我張畫畫成點(算啦，佢次次都係求其講兩句，真係兩句架咋，今日聽少一句囉)，如果唔係平平地，一早唔響呢度學喇﹗學得一D都唔爽呀﹗