23/12/2011
響香港hea到十點至出發,上到深圳坐和諧號,十分方便,去到廣州都只係十二點半,其實可以再早D架,不過我地嘆慢板啫﹗等車期間,仲join左7日連鎖酒店做左會員,因為本身我地都諗住會住呢類酒店既﹗
一到廣州東站,就不斷向南行,一路都唔覺有野食,於是行到天河北路,只好走入間人和連鎖快餐,求其食個飯,唉﹗咁就無左一個食野既quota喇。所謂食在廣州,上黎廣州當然係想食好野啦﹗
食完之後行左去天河體育館,竟然有展銷會,個場地大過香港果個。
![](../images/r1y1jiPpoWGwnFAGEX7eDA.jpg)
好長既腸,不過,我唔敢買。
![](../images/QJ7hq.jQrfXxKiTZs8mI6g.jpg)
好驚嚇既臘肉
![](../images/vv0IDcF6wDOA.d_gzq_.iw.jpg)
然後,我地坐地鐵(一個站)去珠江新城站,目的地係廣東省博物館。 ![](../images/vv0IDcF6wDOA.d_gzq_.iw.jpg)
![](../images/F8hPyv9qkzZtiLvSVaGNBw.jpg)
![](../images/NcgGXA822npFCP1cR3xkvw.jpg)
![](../images/iBwDQVaevD5UxLAGnD_YlQ.jpg)
![](../images/pkerTaCNVQgRUU94CbXl6w.jpg)
![](../images/0L.sE1DWBwFVJka9dswAGg.jpg)
之後響附近影吓相:
![](../images/6e4Fu5P8ccAht1cvJYtkyQ.jpg)
廣州電視塔(小蠻腰)
![](../images/lyRlpcSRQ2cckymgSJGF6A.jpg)
![](../images/lyRlpcSRQ2cckymgSJGF6A.jpg)
IFC
![](../images/zrqEBSJ4KtUkTX7ROgGztA.jpg)
廣州大劇院![](../images/zrqEBSJ4KtUkTX7ROgGztA.jpg)
![](../images/cmviCpjVMbsFiN8rWuBkQw.jpg)
![](../images/z9bffe1Hr7jVS7fvQxFLFA.jpg)
(我好喜歡呢張石磨枱,好型,可惜買唔到﹗)![](../images/4PsniksIOAA_b20Jo1WoSg.jpg)
諗住豪就豪一餐啦,點知,價錢一d都唔貴,食物仲好得,而我最喜歡佢既係每張枱之間既距離都好遠,根本聽唔到隔離枱講咩。![](../images/4PsniksIOAA_b20Jo1WoSg.jpg)
我地叫左四個餸:南瓜蒸蘿蔔乾爽肉Y48,爽肉真係好爽同埋好入味﹗
![](../images/wastg5POsg17vCd8Zag_6Q.jpg)
東坡肉Y12.8,正過我響杭州食果次果d(其實果次已經好好食架喇﹗),d肥膏入口即溶,真係第一次感受到呀﹗![](../images/bD1tPa0QRtr8FDD2OiasNA.jpg)
豬肉魚頭炆水鬼重Y39,水鬼重即係豆腐,但呢隻豆腐好滑,滑到路人甲都讚口不絶﹗
![](../images/bD1tPa0QRtr8FDD2OiasNA.jpg)
豬肉魚頭炆水鬼重Y39,水鬼重即係豆腐,但呢隻豆腐好滑,滑到路人甲都讚口不絶﹗
![](../images/Siff9tIJ_x6fbRplgwEw6w.jpg)
另外一個係咸骨筒胡椒大芥菜Y38,夠晒味﹗
食得好滿足又飽到不得了之後,我地就坐地鐵去農講所站,但其實因為個地圖唔清楚,應該係去公園前站既,行左一大輪,終於揾到起義路間7日連鎖酒店,呢間響旺區,今日又係星期五,所以貴d,Y267一間房,唔係好大,不過乾淨整齊,張床夠大又舒服囉﹗
![](../images/P6i6Ew4KjqDYmpC.mnbKTg.jpg)
![](../images/86DnMP4Wa7M0GvVaxF3V4g.jpg)
沒有留言:
張貼留言