霆語錄

我既侄仔五歲，但非常精靈，成日語出驚人。

霆語錄1：
三姑媽：聽講你有女朋友lu喎﹗
俊霆：係呀，佢好靚又好叻架﹗
三姑媽：咁你係因為佢靚又叻，所以鍾意佢呀？
俊霆：唔係，係因為開心。
... 三姑媽：哦﹗你同佢玩得好開心。
俊霆：我都唔識佢，未同佢玩過。
三姑媽：@..@
俊霆：爺爺，我個女朋友住邊層樓呀？叫咩名呀？
-----------

霆語錄2：
我讀到大學時就可以彈高音結他架喇﹗
(三姑媽心想：佢真係走在時代既尖deung喇，人地彈base佢彈高音結他，哈)
----------

霆語錄：
霆媽：三姑媽，你同俊霆去边度黎呀？
三姑媽：去左燒錢。
霆媽：咁即係去左做咩呢？
俊霆：即係去左玩電動跑車囉！
-----------

霆語錄：
俊霆：三姑媽，你對咩鞋黎架？
三姑媽：普通去街鞋囉。
俊霆：咁係咪有痴力架？
三姑媽：無架，点解咁问呢？
俊霆：咁点解你唔会跣低既？
（当时係行緊馬屎州岸边）

我又投稿去u magazine喇

今日剛剛出版既322期，第98-99頁，終於都登左我既投稿喇﹗

原稿：

倫敦郊區一天尋趣

很多香港人都到過英國倫敦旅遊，但大多數的遊客都是在地鐵的區一及區二內吃、買、行，兩天以後便會離開。雖然這次是我第二次到倫敦遊玩，但我不甘只局限於倫敦市內。於是，我「向北發展」，發現原來倫敦的郊區是那樣地寧靜而又充滿樂趣的。

 

聽說，在日本北海道和法國南部於每年七月中都會開滿薰衣草，但我從未去欣賞過。我每次看著那些開滿了整個山頭，紫紫藍藍的薰衣草田相片時，我都恨得牙癢癢。終於，給我發現倫敦北部郊區的Hitchin有大片大片的薰衣草田，而且，因為英國的天氣關係，至九月時，薰衣草仍然盛放。於是，我坐上火車，不消三十分鐘，便由倫敦市中心到了Hitchin。

 

Hitchin薰衣草場不單有薰衣草，還有大大朵的向日葵，而且進入農場並不收入場費。我終於可以親眼看到薰衣草田了，同行的人都興奮得到處跑，又不斷拍照。真想不到，我們只花了三十分鐘，便可以由繁華喧鬧的倫敦市中心來到寧靜的田區。

 

這裡不獨可以欣賞花田，如果你想採摘薰衣草或向日葵的話，可以到小店交兩英磅至四英磅，你便可以跑到薰衣草場內剪個夠。基本上，這裡的規則是你交了錢，便可以盡你所能把店員給你那大大的袋填滿薰衣草，沒人會理會你剪多久。我們交了四英磅，剪了兩大袋薰衣草和六支向日葵，比起超市的價位，一定是物超所值，今天簡直是滿載而歸。

 

玩得累了，還可以到小店喝杯下午茶，皮膚一邊享受溫煦的陽光，鼻子一邊享受芳香的薰衣草香氣，咀巴一邊享受幽香的薰衣草茶，真是好一個令人滿心歡喜的下午﹗

 

如果覺得只去一個景點不夠盡興的話，可以在返回倫敦的途中在Hatfield火車站下車，一間距離倫敦僅20公里，有四百年歷史的著名大屋----Hatfield house，就在火車站旁。Hatfield house不只是一間別墅，它還有一個風景如畫的大牧場，別墅四周都是打理得一絲不拘的英式花園，環境清幽閑靜。它是英國十大著名古屋之一，女王伊利沙伯一世的童年就在此度過，而大屋亦曾借出作拍攝之用，其中，香港人比較熟悉而又即將上映續集的「福爾摩斯」就曾在大屋中最漂亮的長廊中取景。

 

 

 

 

交通：

英國火車服務：http://www.nationalrail.co.uk/

到Hitchin薰衣草田，於Hitchin站下車，轉乘的士，車程約八分鐘

到Hatfield house，於Hatfield站下車，橫過馬路便是Hatfield house 的入口

 

有用網站：

Hitchin薰衣草田：http://www.hitchinlavender.com/ (注意：花田於2012年夏季重開)

Hatfield house：http://www.hatfield-house.co.uk/ (注意：別墅會於2012年四月重開，戶外溜冰場開放至2011年12月23日)

車埋你啦

有車，有時係好方便，但有時遇著d朋友以為你架車係的士時，又係幾唔方便架喎﹗
有d人好得意，以為你揸住架車係唔洗油既，就算去地球既叧一面都話咁快架唧。於是，就有以下既情況出現喇：
一、以為你果架係的士：
朋友A去新界西探朋友B，朋友B不是住在市中心，朋友A走既時候要求朋友B車佢返位於新界東既屋企，來回要差唔多一個鐘。

二、以為個地球真係好細：
親戚A個阿媽無論去到天崖海角食飯，永遠都會要求個仔送d親戚朋友，唔理有幾遠，唔理幾多點，唔理阿仔聽日洗唔洗返工。

其實，作為親戚朋友，如果順路，如果你唔介意等揸車果個走得，去停車場攞完車，拾好個位俾你坐，唔係好識路兜多兩個圈，結果可能你去搭車仲快的話，車埋你都ok既。以前我地成班朋友出黎玩，玩夜左無車要搭的士既話，住同區既朋友都會車埋d朋友返屋企，好ok呀，但如果仲有交通工具呢，大家都會自動波去搭車，唔會要求朋友車返屋企，有小朋友都係咁話，帶得個小朋友出街就預左係點樣，無理由要朋友做的士司機。如果順路或者同一區唔會阻人地太多時間，車埋都好合理。
香港交通咁方便，有時真係自己坐車好過要人地車啦，你快返到屋企時，人地又舒服。如果一車有幾個朋友，車完呢個又要車果個，先至送你返屋企，一黎搞左好耐至返到，二黎個朋友都攰啦。

但係有d朋友又好得意架喎，話車d野黎你屋企(or公司)，又要就佢時間，又要車到去街口，唔理你方唔方便都要你去街口攞野，如果你要求佢行多一兩分鐘車呢，佢就會覺得你難服侍喎﹗

不過，一樣米養百樣人，我覺得啱時你又會認為我錯啦﹗

廣州四日遊之四

26/12/2011
今朝食拉腸+粥，我地既飛佛呀﹗
食飽就坐地鐵去燕塘站，再轉巴士去白雲山，十一點，買好門票Y5，就行上山喇﹗
白雲山真係幾出名架，不過，當我行過之後就覺得無咩特別，真係要有時間至好黎果隻囉﹗

仲有堆沙
山上既豆腐花好滑﹗

一點，行到無癮，決定走喇，行到門口，見到有栗子同蕃薯，買左Y20上火車食。
兩點，坐巴士去火車東站返深圳。去到深圳，路人甲去買單車野，我就一條友去按摩，然後再約埋一齊返香港，食埋個壽司晚餐，圓滿結束四日遊。

廣州四日遊之三

25/12/2011

一早八點幾就行去附近既泮溪酒家飲茶，其實上次已經黎過架喇，覺得呢度幾好，而且細個時黎親廣州，阿David哥都會響呢度大宴親朋，d親友都唔知邊度黎得咁多既，開幾圍，食幾輪，食極都有親友黎食野既，真神奇﹗
黎到荔灣，應該要食艇仔粥既，但係我地叫左豬紅粥(Y14.8)，出奇地好食，粥好棉，好香﹗

我地黎廣州既其中一個目的係食拉腸(Y14.8)，真係好滑架﹗

最好野既係蝦餃(Y17.8)，一粒裡面有五隻蝦，真係好食﹗個大包呢(Y17.8)，就有d失望喇﹗

食飽之後，盲中中咁行去對面馬路問人坐咩巴士可以去到小洲村，結果係坐25號去海珠區，然後再問人坐咩巴士去，哈哈，好順利咁坐左565號，到左﹗(呢幾條線都可以去到架﹗)

落左車又憑住大家無里頭既直覺揾路入村，哈哈，又好順利入到去，雖然呢度唔係好骨子，但係有好多影相既好位置，d cafe又整得好有心機，但係已經開始變成旅遊區喇﹗

行完一輪，行左去村口食野，呢個叫罐麵

好出名既蠔殼屋

唔係佈景，係歷史遺址，型呀﹗

裡面有展覽睇呀﹗

影完呢張，俾阿婆鬧：唔好影呀﹗

呢度既芝麻糊真係好滑，我最like個磨，如果我有一個就好喇﹗

竟然有graffiti

有幾百年歷史既石橋+幾廿歲既阿婆

好有趣既氣根，好紅﹗

好有歷史味道既理髮廳

呢度有好多小食架，張枱仲係隻舊艇黎架，好得意﹗

呢度應該係有翻新無老作既場景

行到成五點，又盲中中咁坐架巴士出赤崗站轉地鐵去曉港站，行去江南大道南既炳勝食飯，本來唔洗行咁遠既，都係怪張舊地圖，又怪沙田圖書館無地圖借啦
。呢間無天河區果間咁闊落，不過，食物一樣好味﹗三文魚骨煲，Y33，好香好食﹗

白灼墨魚仔，Y48，爽呀，好似食緊魚生咁，好抵食﹗

黑叉燒拼燒豬肉，Y58，真係好香，未食過咁野味既叉燒呀﹗仲有鯪魚球浸西洋菜，Y38

食飽又係時候揾地方住喇，坐的士去太古倉既七天，一晚Y157，雖然細d，但乾淨抵住。

settle好之後，行過去太古倉，真係好似北海道既金森倉庫架﹗行到佢十點半熄燈至離開，返去沖涼瞓覺，完成完美既一日。