踩入大小梅沙

今朝一早，以為好番但又番發仲加埋咳既蛇仔，食完藥wing wing吓，但係都要死去玩，因為尋日本來行山去拜山既，但係真係病到瞓左成日，今日好番d唔去玩就奇喇﹗

今朝由大埔踩去粉嶺，坐沙頭角巴士（車費：＄25）去沙頭角，單車放行李艙。本來路人甲係打算坐東鐵踩山路（都係馬路，不過要上斜落斜咁，佢費事我一開波就暈低，於是揀左easy一d既沙頭角口岸出發。

呢個關口無咩人，好快就過到關喇。一出關口，右轉沿單車徑踩，好快去到中英街街口，再繼續向前踩無幾遠，轉入海x花園鐵閘，經過呢個小區短短既路段，出鐵閘後就會見到呢個塔。

跟住呢d木板路沿海踩

斷估呢區應該係高級住宅區，d屋好鬼靚

好快就會見到明思克號，參觀RMB120，我地當然唔入去啦

離開木板路，轉出馬路，向深鹽路不斷踩，途中會有飛沙風中轉，又有紅色的貨車響身邊經過，但係總算係安全既

做左一輪吸塵機之後，好快就到左鹽田海鮮街，經過晒海鮮街之後上斜路，斜路頂轉右，就係我最怕既山路喇，不過，同海下比較，呢度既山路就真係easy執啦﹗

山路完結後，就到達左大梅沙渡假區，同口岸果邊相比，離距雖近，但級數差很遠，鄧主席既：「讓一部分人先富起來。」實現左喇﹗

我地去左一間由住響沙頭角既朋友介紹既海鮮店食晏。呢間食店唔需要好似海鮮街果度咁樣，要搵人出街拉客，都高朋滿坐。食物都ok，但係比想像中貴

四個海鮮加一個海膽炒飯，每人RMB70

醫飽個肚，就繼續行程喇，再向前踩，就係小梅沙喇

仲去埋海洋世界

然後返番大梅沙，行吓d小街，呢個幾rock呀

自動借書機，香港好似無喎。呀﹗我著左單車褲，唔好以為個patpat有咩問題呀

街上面既裝置

仲去埋東部華僑城

之後，又去outlet

你睇，幾似日本d outlet

當然去埋大梅沙既沙灘啦

回程時，我地踩單車徑

最後一站，當然係踩去口岸附近，專賣Giant既單車鋪啦﹗

＊註：全部都係響門口影張相就走，我地係有入去Giant單車鋪參觀既，佢雖然d貨仲齊過香港，但一d都唔平。

全長：

香港段約十二、三公里左右

深圳段約四十公里左右