廣州佛山三日悠悠遊(上)

29/6/2013
九點幾食完個早餐就出發上佛山喇﹗
雖然過關唔算迫，但買和諧號就排左15分鐘隊，然後又要等到1048至開車，足足搞左成個鐘至由深圳出發上廣州。
1207終於到左廣州東火車站，睇返本記事簿，原來年半前先上過黎玩咋，其實好多地方都去過喇。
我地直接坐地鐵去大學城北站，目的係去踩吓單車。
我地響D出口租車，RMB3一個鐘，架車冇波轉，好重，好在個轆大，唔重腳。

 

下午一點，正式踩車喇﹗其實冇乜特別地方要踩去既，都係周圍亂踩吓咁啦﹗
首先踩去中心湖，幾靚吓架﹗

仲有個攀石牆

呢個攀石牆真係大到呢......

單車館外型係個單車頭盔黎架﹗

單車徑好OK呀，就算踩馬路都非常OK呀，因為路靚又少車﹗

發現呢個大草坪，超似我上次去既英國小鎮Welwyn Garden City

本來出發前有諗過去嶺南印象園，但係佢同佛山既嶺南天地好似，都係去一個算喇，響門口影張相算喇﹗

然後踩左去穗石村食晏，就響印象園附近咋

食飽又踩過，呢間係呢區其中一間大學，好大好大好大好大

最後踩左去廣東科學中心，大門外有上百隻熊貓，全部代表住唔同國家，場面比尖沙咀果d震撼好多﹗

踩到五點幾，還車，直接坐地鐵去佛山，轉車轉到暈左，七點至去到佛山祖廟站。

本來企響A出口望過對面馬路就會見到華輝大廈，即係我地訂左房既地址，但係我地掛住睇街道號碼，又以為「如家快捷」咁大間連鎖酒店會有大大個招牌啦，點知就係咁，揾左一大餐至揾到，入口神秘到爆﹗

雖然係咁，我不得不推薦呢間「如家快捷百花廣場店」，地點非常好，步行去祖廟三分鐘，去嶺南天地五分鐘，坐的士去南風古灶十分鐘，去創意產業園五分鐘。而且，服務到位，房間大，床大，洗手間大且乾淨，各種各樣都好人性化(毛巾、牙刷、杯、拖鞋分兩種色，兩位住客唔會搞亂)，星期六只收RMB152一晚，其他日子RMB135一晚，好到無野講啦﹗

放低行李，拿拿聲去醫肚，行左去嶺南印象園揾食，呢度好似上海新天地，因為都係同一位老闆——羅康瑞經營既，但我覺得呢度搞得靚過上海新天地。仲有第二期架，遲d黎仲大d喎﹗
我地揾食期間見到呢間hello kitty cafe，影返兩張先﹗

終於決定揀「原汁原味」，呢間野d食物都唔錯，佢聲稱香港間分店係米芝蓮架﹗

食完，行去祖廟旁間雙皮奶食返個凍雙皮奶，點知唔係好得﹗
是日行程結束﹗