玩野呀

前兩日睇到單新聞話個學生打爆老師隻眼，個官話宜家個社會搞到d細路唔識尊師重道。其實個社會、d家長、d老師都有責任啦﹗

今朝排隊時突然落雨，大家都拿拿聲帶自己班上課室啦，經過某班時，聽到個學生大大聲同個阿sir講：「超﹗你玩野咩，行得又話未行得，人地都行啦，行啦喂﹗」阿sir笑住話：「我都唔知架。」我覺得阿sir絕對可以糾正一下個學生既態度再同佢地表示歉意既﹗

又好似尋日我上緊堂時，有兩隻細細粒不斷響度傾計，我用眼神示意佢地好收聲，我好肯定佢地見到，因為停左一陣，但係無幾多鈔之後，兩個又繼續傾，於是，我叫佢地出黑板寫答案。我將個題號寫左響黑板上方位置，佢地見到之後，就話：「嘩﹗你玩野咩﹗寫到咁高。」

另一個：「係啦﹗擺明玩野啦﹗」

我好溫柔咁同佢地講：「我見你地上我堂傾得咁高興，明玩野啦﹗以為你玩得起吖嘛﹗玩唔起呀？」

其中一個：「識都寫唔到啦，咁高﹗」

我：「你話事囉，一係寫，一係企。」

另一個：「我地企囉﹗」

我：「玩唔起就唔好玩，上堂留心d，你唔俾面人，人地唔係一定要尊重你架﹗重問我係咪玩野，企下反省下啦﹗」兩個死死地氣企到我俾佢地坐低都無再傾喇﹗

當然啦，知佢兩個唔會玩大佢，我先會咁啫，遇著其他大佬，又要用另一套啦﹗