今日約左朋友去閒逛,行程係薄扶林基督教墳場--東華義莊--何鴻燊體育中心--數碼港--u hall--伯大尼,由起點行到終點,行足一日。
薄扶林基督教墳場內有好多名人,而且仲有好多革命義士。除此之外,有好多墓碑都好有特色,好似呢個就好特別喇﹗
![](../images/PTYo6aEBOnnfddvg4vTpcA.jpg)
而呢個係一位校長黎既,個墓都好有書卷味﹗
![](../images/QSHZm2bwQPqut4mqUDrQJw.jpg)
仲有名醫李樹芬醫生添﹗
![](../images/fZGHV0Liz8mFqer1pgGo9g.jpg)
有錢就有地,包括死左之後﹗
![](../images/EVB6pGXkvFJiAV9YbmJkPw.jpg)
好浪漫既墓誌銘
![](../images/iYfAT5hZ76AsSiUb4ydiLA.jpg)
孫中山後人之墓
![](../images/k2dQrt0_2bUwauspKNf2Ag.jpg)
墓地用既磚都好有民族色彩架﹗
![](../images/wLrxsQHwmJf9GR6Dbj00kA.jpg)
由墳場向山下行,入大口環村,再向下行,就係東華義莊,就係<東風破>既拍攝場地喇,而其中一場係響一個放左好多棺材既房拍既一場,原來真係現場拍架,唔係佈景呢﹗
![](../images/Xo1dCPpdnavG9qDOPsWsxg.jpg)
響義莊向公廁方向行,沿馬路向海邊行,好快就可以行到黎何鴻燊體育中心。呢度其實係我十幾歲時d大朋友帶過我黎既,我只係記得呢度好寧靜,又有個好大好大既海。
![](../images/L33eyYaFYb05_bWGZsJhdw.jpg)
![](../images/j2iIyj2dnhYv.FoBtENaIQ.jpg)
響海邊行左一陣,就行左去數碼港食晏,真係好,無人同我迫。
食完之後,行左成半個鐘有多至行到去u hall,遇上呢d箭咀葉,好得意。
![](../images/RRjmLtLSgC4ObnoM45T5Pw.jpg)
呢條就係名聞遐邇既旋轉樓梯喇﹗
![](../images/qxQvEKlTiquyN5aVfG4m6A.jpg)
u hall既四不像
![](../images/OoVNViaDCNmFIhyw0nBb2Q.jpg)
u hall旁邊就係馬術中心
![](../images/FveXe.XbZW0GDzVtjz9ZvA.jpg)
行過對面就係伯大尼,原先想買票參觀既,但成日都話內部俾人book左,咁唯有等平日啦﹗
![](../images/jfLmQ2lG5rrILEbbXsGSUg.jpg)
![](../images/jljaP5KmqhNo3NappLDZlA.jpg)