韓國滑雪團

第一次參加滑雪團，感覺唔錯，五天團費加乜費物費都只係六千個大洋，包早晚餐、兩日半滑雪證、兩日半雙板用具、一日半雙板初級滑雪班、浸兩次温泉，整個行程滑足三日半雪，只有半天帶你去買野，都算抵玩呀﹗
29/2/2012
十點機場集合，零晨機去首爾，六點就已經由首爾機場出發去滑雪場，中間又停吓食飯同租滑雪用具店，十一點幾就可以到酒店check in喇，休息左一個鐘就去搞d用具，一點半正式上堂。
紅色龜背係上雙板，白色上單板(要加$800)

成個山頭都有唔少人上堂架﹗

第一日既天氣好好，但d雪就麻麻地，第二日開始，日日都落雪，d雪就唔錯喇﹗

第一日上完半日堂，食完飯後，就去左滑雪場既water park玩，都好大架，有好多種類既按摩池，又有條幾長吓既滑水梯。玩完去浸温泉，温泉既水準同日本果d有得揮架﹗

第二日又上堂，今日既下晝可以坐纜車喇﹗呢個係入口。

初級雪道既山腳，呢個龍平滑雪場比我想像中少人，可能已經係三月既關係啦﹗

由纜車上望落去上堂既雪道，都幾多人上堂喎﹗

酒店外面，通往雪場既小橋

雪場內既canteen

第二日下晝上完堂，影返張大合照先。我果班一共有十三人，太大班喇，鬼佬老師又唔俾d領隊幫手教我地，有d同學真係handle唔到，我就要成日等埋d同學仔。食完晚飯，又去滑過，但係夜晚既雪比起日間既雪真係差好遠，好似滑冰咁。

第三日，自己練習。我同路人甲都報左名參加滑雪比賽，我地當然係參加初級組啦，但唔理你係咩野組，個比賽場地都係呢一度，大家都係繞同一組旗仔落山，打大八字囉﹗比賽完，就搏命玩喇，又坐纜車上山頂，滑左5600米至落返山腳，真係腳都軟埋呀﹗

結果我得女子組第一，路人甲因為跌左兩吓，慢左，得男子組第二，佢真係滑鐵盧喇，人人都睇好佢架﹗

第四日，自費滑雪日，我地滑左半日，就走去食韓牛，雪場內有間韓牛燒肉店比首爾平好多，但d牛既質素又好好架喎，咁當然要食啦﹗

係碳燒架﹗

食完就響雪場內既商場行吓，食吓雪糕，然後坐車去温泉酒店。呢間酒店房大到不得了，正﹗

浸完温泉就去食晚飯，你睇幾多泡菜罐。

第五日，一早六點就morning call，坐左兩個幾鐘出首爾，行左三間購物點，其中兩間都係我地要買野既地方，所以我地都好樂意去。之後就去左明洞，幫人買左好多護膚品，我同路人甲就食左人蔘雞，但係我覺得上年黎既時候食果間正d。
最後一站，買小食做手信，又係要買架啦，路人甲要返公司餵班餓狼呀﹗
五點幾去到機場，返到香港已經係十一點幾，返到屋企已經係零晨一點幾喇﹗真係玩足五日，行程緊密得黎又唔無聊，唔錯﹗