後生仔一開波又黎料

雖然今日好忙(全因暑假完全無忙過)，但都要花少少時間將呢件事寫一下，費事我呢種唔記唔開心事嘅人會好快將件事遺忘咗﹗

8月尾，H問我幾時派選科表俾中三嘅學生，我話通常都係第一日開學時啦，佢話驚個日好多野派，我話我更加驚早過開學日派，d學生會唔見左張表。然後H表示自己無選科通告個COPY，即是要我搞啦。

結果，我重新打過張通告(因為舊個張其實有d唔啱用)，CUP哂校印，攞埋俾校長approve，登記埋油印(總之搞完一輪啦)。最後，我只係叫H響開學日攞去派俾中三d學生(H今年係中三班主任)，叫學生第二日(即係今日)交番黎，等我地有時間編班，然後響第三日通知到學生選到邊科，等佢地帶齊野上堂。

結果，尋日放學後，後生仔走黎同我講話好多野派好忙，無時間派個張選科表，無派到。我唔信，原因有三：

1. 佢個班今年有3個班主任，雖然一個係代課，一個係新人，但唔會廢到連派野都派唔切；

2. 有目擊證人證明H根本好得閒，得閒到同d教學助理傾計；

3. 9:00至12:30咩都派哂啦，我都係班主任，我個班要派嘅野絕對唔會少過佢個班。我仲有時間同d學生慢慢hea。

唉﹗H個班已經唔乖，我真係好驚經過H一年嘅「特訓」，班學生會飛天遁地呀﹗﹗