兩日一夜行山露營

我們就是面向這個景吃早餐了﹗早餐餐單有：麵、咖啡、檸茶、蛋糕、麵包。這裡是大

灣。我們一行廿大十小從西灣亭行到咸田才分手，然後四人在此紮營。我們很辛苦才找到這個景好又少人到的高處呢﹗地有少少斜，所以睡得比平時辛苦。

營地的位置就在右中的山咀處，即白船附近。這是咸田灣。

背上是一個不太重的背包，約重廿磅，與這位哥仔的磅數相約。

高處回望大浪西。

波波蟹搓的波波充滿美感。

大浪西旁的一條小河。

秋日，鮮花﹗

大浪西一早己有很多人紮營了，不過，在海灘紮營很髒﹗當天我們一眾小朋友都落水了，但我怕冷，又怕麻煩，所以沒有游水。

我們都說這個景很美，但一位三歲的哥仔卻在此時說「好核突」﹗

同行者正在起營，之後的時間，大家都是在吃吃和吃。晚餐的餐單有：lap味飯、lap肉炒菜、芝士腸、雞翼、芝麻糊、茶……下次要据扒﹗飯後活動：鋪兩張地墊在草地上睇星星(睇到兩粒流星)同傾計，吹吹風，非常原始﹗非常舒服﹗

這次從西灣亭到赤徑，分兩日行，非常輕鬆，而且風景也不俗，可惜煙霞比較大，打了折扣，不過，天氣十分清爽，超舒服﹗

秋日家中的花花

激你唔死的學生

當你在家政堂遇到以下學生，你可以做咩反應呢？我嘅反應只有----啤____________﹗

1. 你離遠見個學生攞住塊布，狀似縫緊野，但係硬係唔見佢成功張條線縫上布面，行埋去睇下啦，原來個學生只係用一條好似手條咁長嘅線就想縫野喇，係，係無針，係無針但係想縫野﹗

2. 個學生唔識張條線響塊布上面打個結，咁老師就幫佢打左個結，然後叫佢剪走條線，個學生竟然張個結一同剪走﹗

3. 教最基本嘅回針步都要教十幾次，係一對一教授喎﹗老師幾乎幫個學生做埋份功課咁滯﹗

4. 老師做完示範，同學生一齊讀完食譜，學生返到自己嘅組別，分別做出以下事情：

 a).張無任何材料嘅煲攞去煲

 b).攞個筲箕去盛水

 c).逐樣材料問老師應該攞幾多份量

 d).逐個步驟問老師跟住點做

 e).學生做齊所有老師叫佢千祈唔好做嘅錯誤做法(佢唔知係留心定唔留心聽書)

以上呢d情況近年愈來愈多，究竟我係咪響特殊學校教緊呢？係啟明？啟聰？啟智？但係一定唔係啟聲囉﹗

 

planet earth=勁呀﹗

啱啱睇完明珠台嘅planet earth，一路睇一路俾嘅反應係：嘩﹗勁呀﹗嘩﹗咁都拍到？﹗嘩﹗好過癮呀﹗嘩﹗呢個鏡頭捕左幾耐呢？嘩﹗呢隻雀咁樣嘅，真係未見過喎﹗嘩﹗好靚呀﹗嘩﹗好得意呀﹗嘩﹗犀利呀﹗嘩...嘩....嘩......係咁嘩住睇左一個鐘。

我睇屋企部普通電視都覺得畫面靚到不得了，如果睇部勁電視，我相信一定好好好好正﹗

呢一輯係由BBC加NHK加Discovery合作拍架，逢星期二晚8:30明珠台播，如果喜歡大自然的話，一定好似我咁睇到好開心架﹗

今日睇到大笨象游狗仔式、大白鯊成條跳離水面幾米捕食海豹(超慢鏡頭播出，超靚﹗)、不知名雀鳥跳奇異搞笑求偶舞、大朵大朵嘅磨菇雲向上形成時似原子彈爆發嘅狀態、勁多高空追拍動物高速追捕獵殺其他動物(原來野獵犬識得好似警察咁包抄target，仲唔使用walkie talkie添呀﹗)仲有好多好多得意鏡頭。好期待下星期個集呀﹗﹗